Misirin paytaxtı Qahirə yaxınlığında, Gizada yerləşən dünyanın 7 möcüzəsindən biri olan Böyük Piramidada yeni kəşf edilib. Project ScanPyramids-dən olan alimlər qrupu əsas girişin üstündə 9 metr uzunluğunda və 2 metr enində gizli daxili dəhliz müəyyən ediblər. Səlahiyyətlilər bildiriblər ki, məxfi dəhliz piramidanın çəkisini giriş və ya hələ aşkar edilməmiş başqa otaq ətrafında bölüşdürmək üçün tikilmiş ola bilər.
İlk dəfə 2016-cı ildə muoqrafiya adlı görüntüləmə texnikası ilə aşkar edilən boşluq kosmik şüalara əsaslanan görüntüləmə üsulu sayəsində aşkar edilib.
Misir Ali Şurasının Qədim Əsərlərin rəhbəri Mostafa Vəziri açıqlamasında “Biz skan etməyə davam edəcəyik ki, dəhlizin altında və ya sonunda nə olduğunu öyrənmək üçün nə edə biləcəyimizi görək”.
Dünyanın ən qədim və ən böyük abidələrindən biri olan, hündürlüyü 146 metr olan Böyük Piramida eramızdan əvvəl 2609-2584-cü illərdə hökmranlıq edən Firon Xufu və ya Xeops tərəfindən dördüncü sülalə dövründə Giza yaylasında tikilmişdir. Böyük Piramidanın necə qurulduğuna dair konsensus yoxdur.
Tərcümə“24 SAAT”