MN: Hərbçi avtoqəzada həlak olub
Yayımlandı: 10 İyul 2022 15:50
Hadisə ilə bağlı araşdırma aparıldığı deyilir
İyulun 9-da Azərbaycan Ordusunun hərbi qulluqçusu Novruz Mirtağı oğlu Tağıyev Laçın rayonu ərazisində həlak olub. Müdafiə Nazirliyinin yaydığı məlumata görə, hərbçi axşam saatlarında baş vermiş avtoqəza nəticəsində həyatını itirib.
Faktla bağlı araşdırma aparıldığı bildirilir.
Novruz Tağıyev Tovuz rayonu Koxanəbi kənd sakini olub.
Hadisədən 4 gün öncə, iyulun 5-də Laçın rayonunda daha bir hərbçi qeyri-döyüş şəraitində həyatını itirib. Rəvan Tağıyevin özünü ona təhkim edilmiş avtomatla vurduğu bildirilirdi https://www.meydan.tv/az/article/azerbaycan-esgeri-helak-olub-gulle-bogazindan-deyib/.
Azərbaycan ordusunun daha bir əsgərinin intihar xəbəri isə iyulun 8-də yayılıb. Baş Prokurorluq əsgər Hüseyn Bayramovun intihar etdiyini deyir https://www.meydan.tv/az/article/prokurorluq-esgerin-intihar-etdiyini-deyir/.