“Nokia 6” bir dəqiqəyə satıldı
Çində “Nokia 6” ucuz smartfonunun bütün tirajı bir dəqiqəyə satılıb.
24saat.org lent.az-a istinadən xəbər verir ki, bu barədə ixtisaslaşmış “PlayFulDroid” resursu məlumat yayıb.
Smartfonun təqdimatı ilə bağlı məlumat bir neçə həftə əvvəl baş tutub və Çində alıcılar arasında böyük ajiotaj yaradıb. Bir neçə dəqiqə ərzində “JD.com” onlayn mağazası yenil məhsula sifarişlərin qəbuluna son qoyub.
Finlandiyanın “Nokia” korporasiyasının rəhbərliyi ilk partiyada nə qədər mobil cihazın olduğunu bildirməyib. Resursun məlumatına görə, satışların başlanmasına bir gün qalmış milyondan artıq insan “Nokia 6” almaq üçün öncədən sifarişlərini qeydə alıb.
Mobil cihaz “SnapDragon 430” prosessoru, 5,5 düymlük “Full HD” ekranı, 4 GB daxili yaddaş, 64 GB əlavə daxili yaddaşla təchiz edilib. Arxa kameranın keyfiyyəti 16 meqapiksel, selfi obyektivinin həcmi isə 8 meqapiksel təşkil edir.
Çində “Nokia 6” smartfonun qiyməti 1 699 yuandır ki, bu da 454 manatın ekvivalentini təşkil edir.
