Respublikaçı liderlər Trump-ı dəstəkləmir
ABŞ-da ən yüksək çinli respublikaçı, Nümayəndələr Palatasının spikeri Paul Ryan, eləcə də digər respublikaçı liderlər Donald Trump-ın prezidentliyə namizədliyini dəstəkləmirlər.
Konqresdə ən yüksək vəzifəni tutan, prezidentdən sonra üçüncü şəxs sayılan Ryan mayın 5 -də CNN-ə deyib ki, indiki məqamda Trump-ı dəstəkləmir.
“Bunu indi etməyə hazır deyiləm. Hazırda həmin məqamda deyiləm”, Ryan deyib. “Məncə, tələb olunan odur ki, bu partiyanı birləşdirək”.
Ryan-dan başqa bir sıra nüfuzlu respublikaçılar da Trump-ı dəstəkləmir.
“The Washington Post” xəbər verib ki, 2014-cü ildə namizəd olmuş Mitt Romney partiyanın iyul qurultayına qatılmayacaq. Keçmiş prezidentlər George W. Bush və George HW Bush-un da qurultaya getməyəciyi, Trump-ı dəstəklməyəcəyi barədə məlumatlar yayılıb.