Yayımlandı: 16 Avqust 2022 13:10

Şirkət bir neçə gün öncə səhmlərin kəskin çökməsi haqda hesabat yaymışdı

“Warner Bros. Discovery” “HBO” və “HBO Max” onlayn televiziya işçilərinin 14%-ni, təxminən 70 nəfərini ixtisar edib.

Saytların yığılması

İxtisara realiti şou departamentləri ilə uşaqlar üçün nəzərdə tutulan layihələrdəki işçilər düşüb.

“Warner Bros. Discovery” bir neçə gün öncə səhmlərin kəskin çökməsi haqda hesabat yaymışdı.

Şirkətin ümumi borcu 53 milyard dollardır.

“Warner Bros. Discovery”nin bu il 518 milyon dollar itirəcəyi və davamlı maliyyə itkilərinin pik həddə çatacağı gözlənilir.

Bu səbəbdən şirkət rəhbərliyi xərcləri ən azı 3 milyard dollar azaltmaq və investorların vəsaitlərini əvvəlkindən daha ehtiyatlı xərcləmək planlarını təsdiqləyib.