ABŞ-ın kosmik nəqliyyat şirkəti SpaceX, ABŞ Kosmik Qüvvələrinə məxsus hərbi rabitə peykini orbitə göndərib. CBAS-2 peyki və onu müşayiət edən hissələri daşıyan Falcon Heavy raketi dünən yerli vaxtla saat 17:56-da NASA-nın Florida ştatındakı Kennedi Kosmik Mərkəzindən uğurla buraxılıb. USSF-67 adlanan missiyanın ABŞ-ın yüksək səviyyəli rəhbərləri və hərbi personalının ünsiyyətini dəstəkləmək məqsədi daşıdığı öyrənilib.
Amerikalı sahibkar və milyarder iş adamı İlon Mask tərəfindən qurulan kosmik nəqliyyat şirkəti SpaceX, Falcon 9, Falcon Heavy, Starlink, Dragon Cargo və Starship kimi kosmik nəqliyyat vasitələrini birləşdirir.
Məlumdur ki, şirkət kosmik daşımaların xərclərini azaltmaq məqsədi ilə yaradılıb. (İHA)
Tərcümə“24 SAAT”