Dünya
Ermənistan prezidentinin vəziyyəti ağırlaşıb
Ev şəraitində koronavirusdan müalicə alan Ermənistan Prezidenti Armen Sarkisyan xəstəxanaya aparılıb. Prezident aparatının məlumatına görə, onun xəstəliyi ağırlaşıb: hazırda Sarkisyanda xəstəliyin tipik simptomları özünü göstərir, hərarəti yüksəkdir, ikitərəfli pnevmoniyaya tutulub.
Yanvarın 3-də Armen Sarkisyan Londonda ayağından əməliyyat olunub. Daha sonra prezidentdə yeni növ koronavirus simptomlarının aşkarlandığı, testin müsbət çıxdığı bildirilib.
Yanvarın 8-də prezident aparatından bildirilmişdi ki, Armen Sarkisyan səhhətinə görə işini müvəqqəti olaraq məsafədən davam etdirəcək və vəziyyəti sabitləşəndən dərhal sonra həkimlərin icazəsiylə Yerevana qayıdacaqdı.
24saat.org
Mənbə – azadliq.org