Hakan Fidan MİT Başkanlığından Türkiyə diplomatiyasının başına gətirilən ilk məmur kimi tarixə düşüb.
Prezident Ərdoğan Çankaya Köşkündə keçirdiyi mətbuat konfransında yeni kabinet üzvlərini bir-bir paylaşıb. Ərdoğanın 13 ildir MİT-i əmanət etdiyi Hakan Fidanın “Gizli küpüm mənəm” deyərək Xarici İşlər Naziri təyin olunması ictimaiyyətdə geniş əks-səda doğurub. Fidan MİT Rəyasət Heyətindən Türkiyə diplomatiyasına rəhbər təyin olunan ilk məmur kimi tarixə düşüb.
Hakan Fidanın akademik araşdırmalarının diqqət mərkəzində kəşfiyyatın xarici siyasətdəki yeri olub. Magistrlik dissertasiyasının adı “Kəşfiyyat və Xarici Siyasət: Britaniya, Amerika və Türkiyə sistemlərinin müqayisəsi”, doktorluq dissertasiyasının adı isə “İnformasiya dövründə diplomatiya: müqavilələrin yoxlanılmasında informasiya texnologiyalarının istifadəsi” olub. Fidan xüsusilə magistrlik dissertasiyasında Türkiyənin daha güclü xarici siyasət üçün kəşfiyyatını gücləndirməsi lazım olduğunu, ABŞ və digər NATO ölkələrinin kəşfiyyatından asılılığının problem yaratdığını vurğuladı.
