Havanın çirklənməsi Tehranın şimal bölgələrində “həssas qruplar üçün qeyri-sağlamdır” (narıncı), cənub bölgələrində isə “bütün qruplar üçün qeyri-sağlamdır” (qırmızı). Şəhərin sosial mərkəzlərindən olan parklar və bağlar narahatedici havanın çirklənməsi səbəbindən boş qalıb. Çölə çıxan vətəndaşların səlahiyyətlilərin xəbərdarlıqlarını nəzərə alaraq maska taxdıqları görülüb.
Maraqlıdır ki, elektron cihazların satıldığı, valyutadəyişmə məntəqələrinin yerləşdiyi və ümumilikdə insanların sıx olduğu Cumhuri küçəsində sıxlıq xeyli azalıb.
Nəqliyyat vasitələrinin hərəkətində heç bir azalma gözlənilmirdi. Səlahiyyətlilərin zərurət olmadıqca küçəyə çıxmamaq xəbərdarlığına və Tehran Bələdiyyəsinin nəqliyyat vasitələrinin girişinə məhdudiyyət qoyulan ərazilərə giriş biletlərinin satılmayacağına dair açıqlamasına baxmayaraq, sürücülər küçələri boş qoymayıblar.
Şəhərin simvollarından olan Milad Tower də havanın sıx çirklənməsi səbəbindən bulanıq siluet alıb.
Ötən həftə Tehran və Elburz əyalətlərində yüksək səviyyəli hava çirkliliyinə görə məktəblər bağlanıb, dərslər onlayn keçirilib. Dünən verilən açıqlamada məktəblərin çərşənbə axşamı axşam saatlarına qədər bağlandığı açıqlanıb.
Hava dövriyyəsi və əhalinin sıxlığına uyğun olmayan yerləşməsi ilə yanaşı, köhnə model avtomobillərin və çox istifadə edilən motosikletlərin işlənmiş qazları Tehranda havanın çirklənməsini artıran amillərdəndir.
Bu səbəbdən dünya hava çirkliliyi reytinqində ilk 3 şəhərdən biri olduğu bildirilən Tehranda məktəblər tez-tez tətil edilir.
Hava keyfiyyəti indeksində bir kubmetr havada hissəciklərə (PM10) görə müəyyən edilən dəyərlər aşağıdakı kimi verilmişdir:
0-50 “təmiz hava” (yaşıl), 51-100 “orta” (sarı), 101-150 “həssas qruplar üçün qeyri-sağlam” (narıncı), 151-200 “sağlam deyil” (qırmızı), 201-300 “çox zərərli” ” (bənövşəyi), 301-500 “təhlükəli”
Tərcümə“24 SAAT”