Almaniyada bir sürücü Tesla avtomobilini avtopilot rejiminə keçirdi və sükan arxasında yuxuya getdi. Dayanma xəbərdarlığına əməl etməyən polis avtopilot rejimində avtomobili 15 dəqiqə təqib edib.
Almaniyada avtopilot rejimində olan Tesla polisdən qaçıb. Bavariya ştatının Bamberq şəhəri yaxınlığındakı A70 şossesində sürücü Tesla avtomobilini avtopilot rejiminə keçirib və sükan arxasında yuxuya gedib. Polis sözügedən avtomobili saxlamağa çalışsa da, sürücü polisə cavab verməyib. Sürücünü oyada bilməyən polis avtopilot rejimində avtomobili saatda 110 kilometr sürətlə təqib edib. Təxminən 15 dəqiqə sonra avtomobilin sürücüsü yuxudan ayılıb və maşını kənara çəkib.
Bamberq polisinin dekabrın 29-da verdiyi açıqlamada, 45 yaşlı sürücünün nəzarət zamanı “narkotik təsiri altında” kimi reaksiya verdiyi və sürücünün avtomobilin təhlükəsizlik sistemini razı salmaq üçün çəkidən istifadə etdiyi bildirilib. ki, onun əlləri sükanda idi. Açıqlamada sürücünün yol hərəkətinə təhlükə törətməkdə ittiham olunduğu, məhkəməyə qədər sürücülük vəsiqəsinin əlindən alındığı bildirilib. Tesla ilə polis arasında gedən təqibdə heç kimin xəsarət almadığı da açıqlanıb. (İHA)
Tərcümə“24 SAAT”