Pentaqonun yeni rəhbəri Rusiyaya qarşı çağırış etdi
ABŞ-ın yeni müdafiə naziri Ceyms Mettis bəyan edib ki, NATO-nun Rusiya ilə danışıqlar aparması zəruridir, ancaq bundan əvvəl zəruri olduğu halda Moskvadan müdafiə olunmağa hazır olmalıyıq.
Onun sözlərinə görə, ABŞ və NATO dəyərlərindən əl çəkməyə və ya Rusiyanın hamıdan uca danışmağına imkan verməyə hazırlaşmır.
“ABŞ və alyansın Rusiya ilə münasibət qurmaq istəyinə baxmayaraq, Rusiya beynəlxalq hüquqa zidd fəaliyyət göstərməyə qərar verərsə, biz özümüzü müdafiə etməyə məcburuq”, – Mettis NATO ölkələrinin müdafiə nazirlərinin Brusseldə keçirilən sessiyası zamanı deyib.
Rusiya son illər öz qərb sərhədlərində NATO-nun presedenti olmayan aktivliyi barədə bəyanatlar verir. NATO isə Rusiya aqressiyasını dayandırmaq yönündə təşəbbüsləri artırmaqda davam edir.
