Dünya
Peskovdan rus pilotun qətlində ittiham olunan türkün saxlanması ilə bağlı – AÇIQLAMA
Rusiya Federasiyası prezidentinin mətbuat katibi Dmitri Peskov türk Hərbi Hava Qüvvələrləri tərəfindən vurulan Rusiyaya məxsus “Su-24” bombardmançısının pilotunu öldürdüyünü iddia edən Alparslan Çelikin Türkiyədə tutulması haqqında yayılan məlumata münasibət bildirib.
Virtualaz.org xəbər verir ki, bu barədə Rusiya mətbuatı məlumat yayıb.
“Həmin şəxsin nəyə görə saxlanması, nədə ittiham olunması açıqlanmalıdır. Onun cinayətini türk prokurorlar araşdıracaq – biz hələ bunlarla bağlı heç nə bilmirik”, – deyə Peskov bildirib.
Qeyd edək ki, bu gün Türkiyə polisi Çelikin tutulması ilə bağlı məlumat yayıb.
