Seçkidə uduzan Braziliya prezidenti Jair Bolsonaro sükuta keçdi. Nəticələr açıqlandı, 24 saatdan çox vaxt keçdi, lakin Bolsonaro bir söz demədi. Bunun taktiki sınaq ola biləcəyi bildirilir. Ancaq Bolsonaronun tərəfdarları, belə demək mümkünsə, cəhənnəm idi. Bolsonaronun məğlubiyyətini qəbul edə bilməyən etirazçılar hərbi müdaxiləyə çağırışa qədər irəliləyiblər. Etirazçıların ölkədə yaratdığı hərc-mərcliyi əks etdirən görüntülər baş verənlərin miqyasını üzə çıxarıb.
Bazar günü Braziliyada keçirilən prezident seçkilərinin ikinci turunda uduzan prezident Jair Bolsonaronun tərəfdarları küçələrə axışıb. Əksəriyyəti yük maşınları olan nümayişçilər ölkə üzrə 26 əyalətdən 20-də küçələrə çıxaraq 300-dən çox nöqtədə yolları nəqliyyatın hərəkətinə bağladılar.
Magistral yolların hərəkətə bağlanması səbəbindən yollarda uzun növbələr yaranıb. Bəzi məqamlarda yolda təkərləri yandıran etirazçılar seçkilərdə qalib gələn solçu Luiz İnasio Lula da Silvanın prezident olmasına imkan verməmək üçün “hərbi müdaxilə” çağırışı edib.
Yol polisinin məlumatına görə, ən çox blokadalar Bolsonaronun böyük dəstəyinin olduğu Santa Catarina və Mato Grosso do Sulda aparılıb.
Bazar günü ölkədə keçirilən seçkilərdə uduzan Bolsonaro seçkinin nəticələrinin açıqlanmasından 24 saatdan çox vaxt keçməsinə baxmayaraq hələ də səssizliyini pozmayıb.
Beləliklə, Bolsonaronun solçu rəqibi Luiz İnasio Lula da Silvanın qələbəsinə meydan oxuya biləcəyi bildirilir.
Braziliyanın rabitə naziri Fabio Faria Bolsonaronun çərşənbə axşamına qədər danışmayacağını açıqlayıb.
Prezident seçkilərinin ikinci turunda keçmiş prezident və Leyboristlər Partiyasının namizədi Luiz İnasio Lula da Silva etibarlı səslərin 50,9 faizini, son 4 ildə ölkəni idarə edən ifrat sağçı Jair Bolsonaro isə 49,1 faizini toplayıb.
124 milyon 252 min 796 seçicinin səs verdiyi seçkilərdə iki namizəd arasında 2 milyon 139 min 645 səs fərqi yüzdə 1,8 olaraq qeyd edildi.
Tərcümə“24 SAAT”
